Доналд Трамп Ромын папыг Цагаан ордонд айлчлахыг урьжээ

2025-05-20 2955 6

Дэлхийн католик шашинтнуудын шинэ тэргүүнээр сонгогдсон XIV пап Лео  өнгөрсөн ням гарагт папын тангараг өргөх ёслолоо үйлдсэн билээ. Энэхүү ёслолд оролцохоор Ариун Петрийн талбайд 200 000 зочин төлөөлөгч, сүсэгтэн цугласан аж. Ёслолд ирсэн гадны зочид төлөөлөгчид, шашны зүтгэлтнүүдийг пап Ватиканд хүлээн авч уулзаж байна. Тэдний дунд АНУ-ын дэд Ерөнхийлөгч ЖД Вэнс болон Төрийн нарийн бичгийн дарга Марко Рубио нар гэр бүлийн хамт багтжээ.

Энэ уулзалтаар Америкийн төрийн өндөр дээд албан тушаалтнууд Ерөнхийлөгч Доналд Трамп болон тэргүүн хатагтай Меланиа Трамп нарын захидлыг Лео папад дамжууллаа. Уг захидалд Ерөнхийлөгч Трампын гэр бүл дэлхийн католик шашны тэргүүнийг аль болох боломжтой ойрын хугацаанд АНУ-ын нийслэл Вашингтон дахь Цагаан ордонд айлчлан ирэхийг урьсан байна.

Ерөнхийлөгчийн урилгаас гадна дэд Ерөнхийлөгч Вэнс, пап Лео нар бэлэг солилцжээ. Вэнс шинэ папад түүний төрөлх хот Чикагогийн Чикаго Бийрс хөлбөмбөгийн багийн нэрийг бичүүлсэн цамц, Гэгээн Аугустины хоёр номыг бэлэглэсэн бол пап Ватиканы Апостоликын ордны зураг, мөн итали хэлээр “Энх тайван бол эмзэг цэцэг юм” гэсэн үгтэй хүрэл баримлыг өгсөн байна.

69 настай Лео пап АНУ-д төрсөн Ромын анхны пап болсон юм. Дэлхий дээр христийн шашинтай хоёр тэрбум гаруй хүн байдгийн 1.4 тэрбум нь католикчууд аж.

Эх сурвалж: AFP

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

З.Мэндсайхан: Оюутолгойн ногдол ашгийг бэлнээр тараах нь буруу гэж үзэж байгаа, Сангийн сайдын хувьд

Сангийн сайд З.Мэндсайхан Оюутолгойн ногдол ашигтай холбоотой асуудлаар сэтгүүлчдэд мэдээлэл өглөө

2026-11-04

Нөмрөгийн дархан цаазат газрын зэрлэг амьтдад идэш, тэжээл хүргэнэ

Нөмрөгийн дархан цаазат газарт гарсан түймрийн улмаас зэрлэг амьтдын идэш, тэжээл хомсдсонтой холбоо

2026-11-04

Иргэд ШТС-ын ойролцоох хяналтын камерын бичлэгийг шууд үзэж, дараалал байгаа эсэхийг шалгах боломжтой

Шатахууны хангамж, нийлүүлэлтийг хэвийн болгох Шуурхай штаб хуралдаж, цаг үеийн нөхцөл байдалтай хол

2026-10-19