“Насны хишиг”, “Эхийн алдар” одонгийн мөнгийг энэ сарын 13, 25-нд олгоно

Хөдөлмөр халамж үйлчилгээний ерөнхий газраас энэ сард олгох халамж, тэтгэвэр тэтгэмжийн хуваарийг гаргажээ.

Хуваариар 65 ба түүнээс дээш насныханд олгодог “Насны хишиг”, “Эхийн алдар” одонгийн мөнгөн тусламж зэргийг хоёрдугаар сарын 13, 25-нд олгохоор төлөвлөсөн байна.

Хуульд зааснаар 65-69 настай ахмад настанд 50 мянган төгрөг, 70-79 настай ахмад настанд 80 мянган төгрөг, 80-89 настай ахмад настанд 150 мянган төгрөг, 90 ба түүнээс дээш настай ахмад настанд 250 мянган төгрөгийг жил бүрийн Цагаан сар болон Улсын баяр наадмын өмнө олгодог.