Монгол Улсын Засгийн газраас анхны Ерөнхийлөгч П.Очирбат асныг таалал төгссөнтэй холбогдуулан “Гашуудлын үеийн дэгийн тухай” тогтоол гаргажээ.
Уг тогтоолоор 01 дүгээр сарын 24-ний өдрийн 07:00 цагаас 25-ны өдрийн 00:00 цаг хүртэлх хугацаанд соёл урлаг, биеийн тамир, спортын тоглолт зэрэг олон нийтийг хамарсан арга хэмжээ зохион байгуулахыг хориглосон.
Мөн 01 дүгээр сарын 24-ний өдрийн 12:00 цагт улс орон даяар автомашин, галт тэрэг, цахилгаан станцын дуут дохиоллыг өгч, төрийн албан хаагчид нэг минут зогсож хүндэтгэл үзүүлэхийг заасан байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй