Улаанбаатар хотод тээврийн хэрэгслийн улсын дугаар олголтыг түр зогсоолоо

2024-09-04 3485 1

Энэ оны хоёрдугаар сарын 8-ны өдөр Нийслэлийн ИТХ-аас 18 дугаар тогтоолыг баталж,  нийслэл хотод олгох тээврийн хэрэгслийн улсын бүртгэлийн дугаарын дээд хязгаарыг 730 мянга байхаар тогтоосон.

Үүнтэй холбоотойгоор тээврийн хэрэгслийн улсын дугаар олголтыг нийслэлд буюу Замын хөдөлгөөний удирдлагын төвд шилжүүлэх Зам, тээврийн сайдын тушаал гарсан. Өнөөдрийн байдлаар нийслэл хотод 750 мянга гаруй тээврийн хэрэгсэл бүртгэлтэй байна. Харин сэргээгдэх магадлалтай 55400 тээврийн хэрэгслийн улсын дугаар бүртгэлтэй байгаа аж. Энэ 55400 тээврийн хэрэгсэл техникийн хяналтын үзлэг, оношилгоонд ороогүй таваас дээш жил  болсон гэсэн үг юм. Техникийн хяналтын үзлэг, оношилгоонд тэнцсэн тохиолдолд эдгээр авто машин хөдөлгөөнд оролцоно. Ингэснээр Улаанбаатар хотод өдөрт 800 мянга гаруй тээврийн хэрэгсэл хөдөлгөөнд оролцох юм.

Тиймээс тэг зогсолтоос урьдчилан сэргийлж, Зам, тээврийн сайдын тушаалын дагуу ажил хүлээлцэж буй бөгөөд энэ хүрээнд Улаанбаатар хотод тээврийн хэрэгслийн улсын дугаар олголтыг өчигдрөөс түр зогсоогоод байна.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

БНСУ: Гадаадын иргэдийг саатуулж, шаардлагатай тохиолдолд эх оронд нь буцаах ажиллагааг ирэх даваа гарагт эхлүүлнэ

БНСУ-ын Засгийн газар “Хууль бусаар оршин суугчдыг бууруулах таван жилийн (2023-2027) төлөвлөгөө бол

2025-04-10

Улаанбаатар хотод бага зэргийн бороо, нойтон цас орно

ЦУОШГ-аас өнөөдөр үдээс хойш Улаанбаатар хотод бага зэргийн бороо, нойтон цас орно хэмээн мэдээллээ.

2025-04-10

УДШ “Алтайн Хүдэр” компанийн байгаль орчинд учруулсан хохиролд 10 тэрбум 800 сая төгрөг төлүүлэх шийдвэр  гаргажээ

Говь-Алтай аймгийн Цээл сумын нутагт байрлах Таян нуурын төмрийн хүдрийн уурхайг 2007 оноос ажиллуул

2025-04-04