Нам, эвслүүдээс нэр дэвшүүлэх ажиллагаа 20-ны өдөр явагдсан. Тэр дунд АН-аас нэр дэвшүүлэх ажиллагаа нэлээд ширүүн уур амьсгал дунд явагдаж, өчигдөржин гомдсон нэр дэвшигчид нь бужигнаж өнгөрөв.
Тэр дунд АН-ын залуус гэгддэг наяад оныхон нэлээд хэл ам таталж байлаа. Ц.Жадамба, П.Галиндэв, М.Чимиддорж, Н.Жавзанпагма, П.Нүрзэд, Л.Отгонцэцэг, Х.Номингэрэл нар нэрээ татаж, татгалзаж байгаагаа мэдэгдлээ.
З.Нарантуяа 2 дугаар тойрог буюу Увс, Ховд, Говь-Алтай, Завханы тойрогт дэвшүүлсэнд уурлаж намаасаа гарахаа мэдэгдсэн бол Г.Уянга ч “Нэр дэвшинэ” гэж АН-д өгсөн 16 сая төгрөгөө намын даргаасаа нэхэмжлэв.
Мөн Либерти Амраа гэгддэг Д.Амартүвшин ч саяхан АН-д элсэж жагсаалтад гайгүй дээгүүр жагсана гэж хүлээж байсан учир өчигдөр “Хулхидуулчихлаа” хэмээн жиргээд явж байлаа.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй