Эрүүл мэндийн яамнаас шинэ төрлийн коронавирусийн халдварын нөхцөл байдлын талаарх ээлжит мэдээллээ хийж, Монгол улсад коронавируст халдварын тохиолдол нэгээр нэмэгдсэнийг мэдэгдэв.
ХӨСҮТ-ийн ерөнхий захирал Д.Нямхүү: “Стамбул-Улаанбаатарын тусгай нислэгээр ирсэн 221 хүний шинжилгээг хийж дууссан. Энэ дундаас нэг монгол иргэнээс коронавирусийн халдвар илэрлээ. Тандалтаар цуглуулсан 25 сорьцод коронавирус илрээгүй. Өнөөдрийн байдлаар ХӨСҮТ-д 184 хүн хянагдаж байна” гэв. Ингэснээр Монгол улсад коронавирусийн 11 дэх тохиолдол бүртгэгдэж байна.
Монгол Улсад бүртгэгдсэн “COVID 19”-ийн тохиолдлууд:
-Гуравдугаар сарын 10-нд Монгол Улсад ирсэн Францын иргэний шинжилгээнээс коронавирус илэрч манай улсад анхны тохиолдол бүртгэгдэв.
-Гуравдугаар сарын 16-нд Сөүл-Улаанбаатар, Берлин-Москва-Улаанбаатар чиглэлийн тусгай үүргийн нислэгээр ирсэн гурван иргэнээс COVID-19 илрэв.
-Гуравдугаар сарын 16-нд Берлин-Москва-Улаанбаатар чиглэлийн тусгай үүргийн онгоцоор ирсэн нэг иргэнээс коронавирусийн илрэв.
-Гуравдугаар сарын 16-нд Берлин-Москва-Улаанбаатарын чиглэлийн тусгай үүргийн онгоцоор ирсэн түргэвчилсэн оношлуураар шинжилгээ хийхэд халдвар илрэв.
-Гуравдугаар сарын 16-нд Берлин-Москва-Улаанбаатарын чиглэлийн тусгай үүргийн онгоцоор дөрвөн иргэнээс коронавирус илрэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй