Гэр хорооллын хөгжлийн намын дарга Б.Батсүх лайв хийх үеэрээ “Лайвчин” Д.Мөнх-Эрдэнийг намынхаа даргаар урьсан тухайгаа хэллээ. Тэрбээр “Энэ бол ганц миний хүсэлт биш, гэр хорооллын иргэд Д.Мөнх-Эрдэнэд итгэж найдаж байгаа” хэмээв.
Тус намын дарга Б.Батсүх өнгөрөгч оны арваннэгдүгээр сард Д.Мөнх-Эрдэнийн хоригдож байсан хорих 461-р ангид очиж түүнтэй уулзсан аж. Тэр үеэр түүний тэмцлийг дэмжиж байгаагаа илэрхийлэн мөн гэр хорооллын иргэдийн эрх ашгийг хамгаалах үүднээс ГХХН-ыг тэргүүлж ажиллахыг хүсчээ. Д.Мөнх-Эрдэнэ ч саналыг нь хүлээж авчээ. Харин Д.Мөнх-Эрдэнэ суллагдсаныхаа дараа эл асуудлыг мартсан сурагтай.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй