МАН-ын Бага хурлын V хуралдаанаар 2020 оны УИХ-ын сонгуулийн мөрийн хөтөлбөрөө баталж, сонгуульд аль нэг намтай эвсэхгүй дангаар оролцох шийдвэр гаргажээ.
Улс орон даяар цахим хэлбэрээр зохион байгуулсан тус хуралдаанд Бага хурлын гишүүд 21 аймаг 9 дүүргийн нийт 38 байршилд хуваагдан цахимаар хуралд оролцжээ.
Хуулийн заалтаар сонгуулийн жилийн дөрөвдүгээр сарын 25-ны дотор улс төрийн нам, эвсэл сонгуульд оролцох эсэхээ илэрхийлдэг. COVID-19 халдварын улмаас дахин бага хурал хийгээд байх шаардлагагүй гэж үзэж байгаа учраас сонгуульд эвсэл болж оролцох эсэх асуудлыг хэлэлцэн ийнхүү шийдвэрлэжээ.
Харин МАН-ын ХМОНХХэлтсийн мэдээлж буйгаар сонгуульд нэр дэвшүүлэх журмыг хэлэлцээгүй байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй