УИХ-ын гишүүн асан Д.Гантулга дахин хүчингийн хэрэгт холбогджээ. Түүнийг Хан-Уул дүүргийн нэгэн зочид буудалд байхад нь саатуулсан байна.
Хохирогч нь оюутан эмэгтэй бөгөөд өнөөдөр Цагдаагийн газар гомдол гаргажээ.
Хэргийн талаар Цагдаагийн байгууллага “2023 оны есдүгээр сарын 19-ний өдөр Хан-Уул дүүргийн 3 дугаар хорооны нутаг дэвсгэрт байрлах …. зочид буудалд иргэн Г гэгч нь бусдыг хүчиндэхийг завдсан гэх дуудлага, мэдээлэл бүртгэгдсэн. Тус дүүргийн цагдаагийн газрын нэгдүгээр хэлтэст гомдол, мэдээллийн бүртгэлд авч, шалгалтын ажиллагаа явуулж байна” гэв.
Эргэн сануулахад, УИХ-ын гишүүн асан Д.Гантулга хүчиндэх болон хүчиндэхийг завдсан гэмт хэргүүдийг үйлдсэн гэм буруутайд тооцогдож, хоёр жил хорих ял авч байв. Гэвч нэг жил гаруй хоригдоод 2020 оны арванхоёрдугаар сарын 11-ний өдөр магадлангийн хурлаар орж, суллагдсан юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй