Хотын Ерөнхий менежер, УИХ-ын гишүүн, ХХААХҮ-ийн сайд асан Т.Бадамжунайд авсан цагдан хорих таслан сэргийлэх арга хэмжээг сунгуулах тухай саналыг прокуророос Сүхбаатар дүүргийн Эрүүгийн хэргийн анхан шатны шүүхэд ирүүлснийг тус шүүх өнөөдөр хэлэлцлээ.
Шүүхээс түүнийг цагдан хорих хугацааг Эрүүгийн хэрэг хянан шийдвэрлэх тухай хуулийн 14.10 дугаар зүйлийн 2 дахь хэсэгт заасан үндэслэлээр буюу хэргийн ээдрээ төвөгтэй байдлыг харгалзан дахин нэг сараар сунгах шийдвэр гаргажээ.
Т.Бадамжунайг өнгөрсөн 4-р сард Филиппин улсад байхад нь авч ирэн Нийслэлийн прокурорын газраас эрх мэдэл, албан тушаалын байдлаа урвуулан ашиглах, хахууль өгөх, мөнгө угаах гэмт хэрэгт холбогдуулан яллагдагчаар татаж, цагдан хорьсон юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй