МАХН УИХ-ын сонгуульд Ногоон нам болон ИЗНН-тай эвсэл болж оролцоно

2020-03-13 529 0

МАХН 2020 оны УИХ-ын сонгуульд Ногоон намтай эвсэл болж оролцохоо зарлаад байсан. Тэгвэл тэд ИЗНН-тай мөн хамтран ажиллаж, сонгуульд нэгдэн орох гэнэ.

МАХН-ын Ерөнхий нарийн бичгийн дарга Б.Тулга “Сонгуулийн хуулийн дагуу нам, эвслүүд гуравдугаар сарын 25-ны дотор мөрийн хөтөлбөрөө аудитын байгууллагад өгөх ёстой. Үүсээд байгаа онцгой нөхцөл байдалтай холбоотойгоор энэ заалт хэвээр байх уу, үгүй юу гэдэг дээр бид СЕХ-той зөвлөлдсөн. СЕХ-оос нам, эвслүүд онлайн хэлбэрээр мөрийн хөтөлбөрөө боловсруул гэдэг зөвлөмж өгсөн. Өмнө нь МАХН болон Ногоон Нам 2020 оны сонгуульд эвсэл болж оролцохоо зарласан. Үүн дээр Иргэний Зориг Ногоон Нам нэгдэхээр болж, санамж бичигт гарын үсэг зурах гэж байна” гэв.

Харин ИЗНН-ын Ерөнхий нарийн бичгийн дарга С.Батбаатар “Өнгөрсөн 28 жилийн хугацаанд Монголын ард түмэн туйлдаж байна. Тиймээс МАН, АН гэдэг хоёр том хүчний эсрэг ард түмэн нэгдэхээс өөр арга алга. Цаашид нэг том хүчин болж, МАНАН тогтолцооны эсрэг үйл ажиллагааг эрчимжүүлье гэж бусад намуудад уриалж байна. Ялсан намд Монголын бүх өмчийг өгдөг болчихоод байна. Үүний эсрэг бид тууштай тэмцэнэ” гэв.

МАХН, Ногоон Нам, ИЗНН-ын хамтран ажиллах санамж бичигт “Өнөөгийн Монгол Улсад үүсээд буй хямралыг цэгцлэхийн тулд хамтран ажиллахаар тохиролцож байна. МАХН, Ногоон Нам, ИЗНН нь цаашид Монгол Улсыг хөгжүүлэх бодлогыг хамтран боловсруулахдаа хүчирхэг бүгд найрамдах улсыг цогцлоон байгуулах, байгалийн нөөцийг ард түмний дундын, хамтын өмч болгох шинэ Үндсэн хуулийн төслийг ард нийтээр хэлэлцүүлэн батлуулах ажлыг зохион байгуулна” гэжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Өмнөговь, Дундговь, Говь-Алтай, Ховд аймгийн Засаг даргын үүрэг гүйцэтгэгчдийг томиллоо

Ерөнхий сайд захирамж гарган Ховд, Говь-Алтай, Өмнөговь, Дундговь аймгуудад засаг даргын албан үүрги

2024-07-19

Д.Сумъяабазар, Хөрөнгийн биржийн захирал асан Х.Алтай нар нарийн бичгийн даргаар сонгогдлоо

МАН-ын Бага хурал өчигдөр орой 21  цагаас эхлэн хуралдаж, 23 цагт өндөрлөжээ. Хурлаар УИХ-ын сонгуул

2024-07-06

УИХ-ын дэд даргаар Х.Булгантуяа, Б.Пүрэвдорж нарыг сонголоо

Хуулийн дагуу УИХ-д 10 буюу түүнээс дээш суудал авсан нам, эвсэл бүлэг байгуулж, УИХ-ын дэд даргад н

2024-07-05