Монгол Улсад “COVID-19” вирусийн анхны тохиолдол Франц улсаас зөөвөрлөгдөн орж ирээд байна. Үүнтэй холбогдуулан иргэд, олон нийтийн аюулгүй байдлыг хангах үүднээс нийтийн тээврийн үйлчилгээнд явж буй автобусуудын тоог багасгаж, эргэлтийн цагийг уртасгажээ.
Энгийн үед 900-950, амралтын өдрүүдэд 700 гаруй автобус үйлчилгээнд явдаг бол гуравдугаар сарын 10-16-ны өглөөний 07.00 цаг хүртэлх хугацаанд амралтын өдрүүдэд 400-452, ажлын өрүүдэд 680 автобус үйлчилгээнд явах юм байна. Мөн энэ хугацаанд 15 минутад дараагийн автобус ирдэг байсан бол 30-35 минутын хугацаатайгаар үйлчилгээнд явах гэнэ.
Энэ талаар Нийслэлийн Зам, тээврийн асуудал хариуцсан төслүүдийн удирдагч Б.Отгонсүх “Нийтийн тээврийн үйлчилгээг бүрэн зогсоохгүйгээр амралтын өдөр 50 хувиар, ажлын өдөр 35 хувиар үйлчлэх цагийг багасгаж байна гэсэн үг” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
Юу гэсэн үг юм бэ, Тэгэхээр чинь улам л олон хүн нэг дор чихцэлдэнэ биз дээ