Монгол Улсын Ерөнхийлөгч Х.Баттулга БНХАУ-д айлчлал хийж ирснийхээ дараа Улсын хоёрдугаар төв эмнэлэгт тусгаарлагдсан. Түүний биеийн байдал болон тусгаарлалтын хугацааны тухай ХӨСҮТ-ийн захирал Д.Нямхүү “Ерөнхийлөгч ажиглалтад байгаа. Түүний биеийн байдал хэвийн, ямар нэг шинж тэмдэг илрээгүй. Өнөөдөр давтан шинжилгээ хийлгэнэ. Ажиглалтын хугацаа дуусах дөхөж байгаа” гэх мэдээллийг өгөв.
Мөн тэрээр “Олон улсын хуралд оролцоод ирсэн Ремакс компанийн 16 хүн гуравдугаар сарын 7-нд ажиглалтад орсон. Эхний шинжилгээгээр тэднээс коронавирүс илрээгүй. Эдгээр хүнийг үргэлжлүүлэн тусгаарлаж, ажиглалт хяналтыг хийж байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй