Сүүлийн үед эзэн холбогдогч нь тодорхойгүй, хууль бус виз зуучлагчид БНСУ-ын Засгийн газрын албан ёсны визний цахим хуудас www.visa.go.kr-ыг хууль бусаар хуулбарласан хуурамч цахим хуудас www.visa-korea.kr-аар дамжуулан хуурамч виз олгож байна.
Уг этгээдүүд нь БНСУ-д зорчих хүсэлтэй Монгол иргэдэд виз гаргаж өгнө гэж хууран мэхэлж хувийн мэдээллийг нь авч, дээрх хуурамч цахим хуудсаар визний мэдээлэл болон цахим виз олгосон тодорхойлолтыг хуурамчаар үйлдэж өгч, мөнгө авч байна гэсэн мэдээлэл байна.
Иймд дээрх байдлаар залилан мэхэлж байгаа хууль бус “виз зуучлагч”-аас болж Монгол иргэд эд мөнгөний хохирол амсахгүй байхыг хүсэж байна.
Түүнчлэн визтэй холбоотой Солонгосын хуулийг зөрчсөнөөс үүдэн цаашид Солонгос руу зорчих виз олголтод сөргөөр нөлөөлөх үйлдэл гаргахгүй байхыг хүсье гэж БНСУ-аас Монгол Улсад суугаа ЭСЯ-наас мэдээллээ.
БНСУ-ын визний албан ёсны цахим хуудас:
Хуурамч цахим хуудас:
Хуурамчаар виз олгосон тодорхойлолтын хуулбар:
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй