УИХ-ын гишүүн асан С.Жавхлан хэвлэлийн бага хурал зарлаж, АН-аас гарч буйгаа мэдэгдлээ. Тэрээр “Урдах хэрүүлээ дийлэхгүй байж улсынхаа төлөө явж чадахгүй гэж үзсэн учраас АН-аас гарч байна” гэв.
Мөн С.Жавхлан уран бүтээлээ хийж эхэлсэн, аймгуудын дууг дуулж эхэлж байгаагаа ярив. Түүнчлэн “Нөхөн сонгуульд орох санал, бодол огт байхгүй, байгаа ч үгүй. Цаашид биет болон биет бус соёлын өвөө хамгаалах болон уран бүтээлээ идэвхтэй хийнэ.
АН-ынхаа хүмүүст бие биетэйгээ эвтэй байгаасай гэж хүсэж байна.
30-аад дуутай цомог бэлтгэгдээд явж байна, мөн өнөөдрийн нийгэмд болоод байгаа, бидний амьдралыг тушаад байгаа зүйлсийн талаарх нэвтрүүлгийг бэлдэж байна.
Ирвэс хамгаалагч Т.Лхагвасүмбэрэл агсны дурсгалд зориулж “Уулсын эзэн” дуу хийснээ удахгүй цацна” гэлээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй