Ерөнхий сайдын өгсөн үүрэг чиглэлийн дагуу Хууль зүй, дотоод хэргийн сайд Х.Нямбаатараар ахлуулсан Ажлын хэсэг Замын-Үүд боомтод ажиллаж байгаа билээ.
Нэр бүхий албан тушаалтнуудыг ажлаас нь чөлөөлж, зургаан хүнд таслан сэргийлэх арга хэмжээ авч, баривчилж эхэлжээ.
Ажлаас нь чөлөөлсөн албан тушаалтнууд:
- Хилийн 0108 дугаар ангийн захирагч Б.Нямбатыг чөлөөлж, оронд нь В.Нямхайнямбууг томилжээ.
- Замын-Үүд боомт дахь хилийн мэргэжлийн хяналтын албаны даргын үүргийг түр орлон гүйцэтгэгч С.Цогтбадрахыг чөлөөлж, оронд нь НМХГ-ын дарга Л.Эрдэнэчулууныг сэлгэн ажиллуулахаар томилжээ.
- Гаалийн Ерөнхий газрын харъяа Замын-Үүд дэх Гаалийн газрын дарга Д.Зоригоог чөлөөлж, оронд нь ГЕГ-ын харъяа Улаанбаатар хот дахь гаалийн газрын даргын үүргийг түр орлон гүйцэтгэгч Б.Отгонсүхийг томилжээ.
- АТҮТ-ийн Замын-Үүд дэх АТҮТ-ийн салбарын дарга н.Хатансайханыг үүрэгт ажлаас нь чөлөөлж, Дорноговь аймгийн Автотээврийн төвийн дарга Сүхбаатарыг томилжээ.
- Дорноговь аймгийн Цагдаагийн газрын Замын-Үүд дҮэх сум дундын цагдаагийн хэлтсийн Замын цагдаагийн хэлтсийн дарга Уранбаярыг чөлөөлжээ.
Мөн баяр наадмын есөн хоногийн амралтаар Замын-Үүдийн боомт амрахгүй, тасралтгүй ажиллана гэдгийг Хууль зүйн сайд Х.Нямбаатар мэдээллээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй