Цахим наадмаар 1024 бөх зодоглоно, харин өсвөр бөхийн барилдаан болохгүй

Үндэсний их баяр наадмаар хүчит бөхийн барилдаан болохтой холбоотой Монголын Үндэсний бөхийн холбооноос мэдэгдэл хийлээ.

Мэдэгдэлд:

Тулгар төрийн 2230, Их Монгол Улсыг байгуулсны 815 жил, Ардын хувьсгалын 100 жилийн ой, Үндэсний их баяр наадмыг үзэгчгүй зохион байгуулах шийдвэрийг Монгол Улсын засгийн газраас гаргасан. Уг шийдвэр болон Үндэсний их баяр наадмын бөхийн салбар хорооноос өгсөн чиглэлийн дагуу бөхийн барилдаантай холбоотой мэдээллийг тоймлон хүргэж байна.

Үүнд:

• Энэ жилийн баяр наадмын хүчит бөхийн барилдаанд 1024 бөх зодоглох бөгөөд барилдаан Хүй долоон худагт Долдугаар сарын 10-12-ны хооронд 3 өдөр үргэлжилнэ.
• Үндэсний их баяр наадмыг зохион байгуулах хорооноос барилдах бөхчүүдээс ковидын шинжилгээ авахтай холбогдуулан өгсөн чиглэлийн дагуу наадамд барилдах бөхчүүдийн урьдчилсан бүртгэл, нэрсийг бөхийн дэвжээдээс Зургаадугаар сарын 28-ны өдрийн дотор МҮБХ-нд бичгээр ирүүлнэ.
• Ковид цар тахлаас шалтгаалж Өсвөр бөхийн барилдааныг зохион байгуулах боломжгүй гэжээ.