Улиас модны унгарилыг бууруулах ажил 50 гаруй хувьтай үргэлжилж байна.
Энэ жил нийтийн эзэмшлийн 104 байршлын 2500 ширхэг улиасанд Олон улсын туршлагаар генийн түвшинд нь үр хөврөлийг багасгах дэвшилтэт аргыг ашиглан эм улиасыг тарих ажил хуваарийн дагуу энэ сарын 23-аас эхлэн сонгосон байршлуудад хийж эхлээд байна.
Одоогийн байдлаар нийт 20 байршлын 438 эм улиасанд 1286 ширхэг тариа хийгдээд байна.
Тариаг хийснээр эм улиасны унгарил эхний жилдээ 20 хувь, хоёр дахь жилээсээ 90 хувь хүртэл хувиар буурч дахиж унгарил гарахгүй давуу талтай юм.
Хотын Ерөнхий менежерээс өгсөн үүргийн дагуу Хяналтын төрийн бус байгууллагын ногоон байгууламжийн мэргэжилтнүүд Улаанбаатар хот дахь бүх улиас модны хүйсийн судалгааг хийж, хотын төвийн болон суурьшил ихтэй бүсийн унгарил их гаргадаг залуу 2500 ширхэг улиас модыг сонгон авч ийнхүү зохион байгуулж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй