БШУ-ны сайд Л.Энх-Амгалан мэдээлэл хийлээ. Тэрбээр “ЭЕШ долоодугаар сарын 1-4-ний хооронд зохион байгуулагдахаар товлогдсон байсан. Энэ жил нийт 40420 хүүхэд шалгалт өгөхөөр бүртгүүлсэн. Гэсэн ч элсэлтийн шалгалтыг хойшлуулахаар шийдвэрлэлээ.
Тодруулбал, ЭЕШ-ыг наймдугаар сарын хоёрдугаар хагаст зохион байгуулах шийдвэрийг яамнаас гаргаж байна. Учир нь халдварын тархалт нэмэгдэж, шалгалтад орох 1500 гаруй хүүхэд халдвар авсан, нэгдүгээр хавьтагч болсон байгаа” гэв.
Мөн багш нарын тодорхой хувь нь халдвар авсан. Түүнээс гадна есөн аймаг өндөржүүлсэн бэлэн байдлын зэрэгт шилжиж, сумаас аймаг, аймгаас сум руу зорчих хөдөлгөөнийг зургаадугаар сарын 30 хүртэл хаагаад байгаа. Ийм олон нөхцөл үүссэн учраас ЭЕШ-ийг хойшлуулж байна гэлээ.
ЭЕШ зохион байгуулагдах эцсийн товыг 07 сарын 10-ны өдөр танилцуулна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй