Өнгөрсөн хоногт шинээр 2642 халдварын тохиолдол бүртгэгдэж, 11 иргэн коронавируст халдварын хүндрэлийн улмаас нас барлаа.
УИХ-ын чуулганы өнөөдрийн хуралдаанаар “Монгол Улсын хөгжлийн 2022 оны төлөвлөгөө батлах тухай” УИХ-ын тогтоолын төслийг хэлэлцэх үеэр УИХ-ын гишүүн Д.Ганбат цар тахлын нөхцөл байдлын талаар тодруулахад Эрүүл мэндийн сайд С.Энхболд:
“Сүүлийн үед хөл хөдөлгөөн ихэссэнтэй холбоотойгоор халдварын тархалт нэмэгдэж байна. Өнөөдөр нас барсан 11 хүний ес нь вакцинд хамрагдаагүй байсан. Нэг хүн нь II тундаа хамрагдаад 14 хоногоос дээш болоогүй, нэг нь I тунг хийлгэсэн байсан. Нас барсан иргэдийн дийлэнх нь хавсарсан суурь өвчтэй байна. Суурь өвчин нь давамгайлж, дээрээс нь халдвар авснаар хоёр уушгины хатгаа нэмэгдэж, амьсгалын болон олон эрхтний дутагдал зэргээр хүндэрч, маш хурдан эрчимт эмчилгээний тасагт шилжиж байна” гэсэн хариулт өгөв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй