Тод манлай уяач Х.Бат-Эрдэнэ болон түүний хамаарал бүхий хүмүүсийн үүсгэн байгуулсан “Монгол драй милк” компани дотоодын зах зээлийг хуурай сүүгээр бүрэн хангаж, улмаар гадаад руу экспортлох төслөөрөө Хөгжлийн банкнаас 15 сая ам.доллар буюу 47 тэрбум төгрөгийн зээл авсан байдаг. Гэсэн ч нөгөө зангууны үлгэр гэдэг шиг гадаад руу гаргах нь битгий хэл дотоодынхоо хэрэгцээг хангах хуурай сүү алга. Бүр Хөгжлийн банкинд барьцаалсан Х.Бат-Эрдэнийн хөрөнгө 47 тэрбум төгрөгийнхөө 10 хувьд ч хүрэхгүй үнийн дүнтэй байсан сурагтай. “Монгол драй милк” компанийн ихэнх хувийг Х.Бат-Эрдэнэ эзэмшдэг ч зээл авахдаа төрсөн ахынхаа нэр дээр бүх хувьцаагаа шилжүүлсэн, үүний дараа дахин өөр хүнд шилжсэн байдаг байна. Энэ асуудлын хүрээнд “Тод манлай”-аас тайлбар, мэдүүлэг авах шаардлагатай байгаа ч тэрээр хил даван гарснаасаа хойш сураггүй байгаа аж. Тиймээс АТГ-аас түүнийг эрэн сурвалжлуулахаар Интерполд ханджээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй