Бусдын биед ноцтой гэмтэл учруулсан хэрэгт холбогдон, цагдан хоригдож буй МҮОХ-ны ерөнхийлөгч, олимпын аварга Н.Түвшинбаярыг үргэлжлүүлэн 15 хоног цагдан хорих шийдвэрийг Хан-Уул дүүргийн Эрүүгийн хэргийн анхан шатны шүүхээс гаргажээ.
Н.Түвшинбаярыг анх 04 дүгээр сарын 4-нд 48 цагийн хугацаатай албадан саатуулсан бол үргэлжлүүлэн 20 хоног цагдан хорих шийдвэрийг шүүхээс гаргасан юм. Дөрөвдүгээр сарын 23-нд энэ хугацаа дууссан ч үргэлжлүүлэн 10 хоног хорих шийдвэрийг шүүхээс гаргасан билээ. Сүүлд гаргасан 10 хоногийн цагдан хорих хугацаа өнөөдрөөр дуусгавар болж буй учир ийн шүүхээр дахин хэлэлцэж, хугацааг сунгажээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй