Коронавирусийн халдварт өртсөн хүүхдүүдийн тоон мэдээллийг Боловсрол, шинжлэх ухааны яам болон Эрүүл мэндийн яам, graph.mn хамтран өчигдөр танилцуулсан.
2021 оны дөрөвдүгээр сарын 18-ны байдлаар 0-18 насны нийт 4,412 хүүхэд коронавирусийн халдвараар өвчилжээ. Халдварт өртсөн хүүхдүүдийг насны бүлгээр нь авч үзвэл:
- 0-4 насны 1,034
- 5-9 насны 1,406
- 10-14 насны 1,356
- 15-18 насны 616 байна.
Хүүхдүүд гэр бүлийнхнээсээ халдвар авах нь түгээмэл байсан бол сүүлийн өдрүүдэд нэг нэгэндээ халдвар дамжуулсан тохиолдол нэмэгдэж байгааг БШУЯ-наас онцолсон юм. Тиймээс эцэг эх, асран хамгаалагчдыг хүүхдэдээ анхаарал хандуулахыг тус яамнаас уриалж байгаагаа дамжуулсан.
Эх сурвалж: БШУЯ
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй