Улсын начин Э.Энхбатын биеийн байдал хүнд хэвээр байгаа ба дахин унтуулгад оржээ. Энэ талаар түүний гэргий Б.Нандинцэцэг “Биеийн байдал нь хүнд, янзандаа л байна. Дахиад унтуулгад орсон. Эхний унтуулга дөрөвдүгээр сарын 6-нд дууссан. Гадаад руу эмчилгээнд явуулахаар судалж байна. Эхний ээлжинд Монголдоо биеийн байдлыг нь сайжруулах хэрэгтэй байна” гэсэн мэдээлэл өгчээ.
Э.Энхбатын ар гэрийнхэн түүнийг ойрын хугацаанд БНСУ-д аваачин эмчлүүлэхээр хөөцөлдөж эхэлжээ.
Түүний биед гэмтэл учруулсан гэх Н.Түвшинбаяр өдгөө ШШГЕГ-ын цагдан хорих 461-р ангид саатуулагдаад байгаа билээ.
Э.Энхбат Улсын наадмын дэвжээнээ…
| Он | Амжилт | Бөхийн тоо |
|---|---|---|
| 2008 | АХ-ын 87 жилийн ойн баяр наадамд улсын гарьд Б.Гантогтохоор дөрөв давж тавын даваанд улсын харцага Н.Ганбаатарт өвдөг шороодсон. | 512 |
| 2009 | АХ-ын 88 жилийн ойн наадамд улсын харцага Г.Элбэгээр дөрөв, улсын гарьд И.Доржсамбуугаар тав даван шөвгөрч ” Монгол улсын начин ” цол хүртсэн. | 512 |
| 2012 | АХ-ын 91 жилийн ойн баяр наадамд улсын өсөх идэр начин Ж.Отгонбаяраар дөрөв, улсын харцага Т.Өсөх-Ирээдүйгээр тав давж шөвгөрөн ” Өсөх идэр ” чимэг нэмсэн. | 512 |
| 2013 | АХ-ын 92 жилийн ойн баяр наадамд улсын начин Л.Нямсүрэнгээр дөрөв, улсын начин Ц.Одбаяраар тав давж шөвгөрөн “Улам нэмэх” чимэг нэмсэн. | 512 |
| 2015 | АХ-ын 94 жилийн ойн баяр наадамд улсын начин Ч.Батчулуунаар дөрөв давж тавын даваанд аймгийн хурц арслан Б.Одгэрэлд өвдөг шороодсон. | 512 |
| 2016 | АХ-ын 95 жилийн ойн баяр наадамд аймгийн арслан Б.Батдоржоор дөрөв давж тавын даваанд аймгийн хурц арслан Б.Ганхуягт өвдөг шороодсон. | 1024 |
| 2017 | АХ-ын 96 жилийн ойн баяр наадамд улсын начин Ж.Чулуунбатаар дөрөв давж тавын даваанд улсын харцага Н.Түвшинбаярт өвдөг шороодсон. | 512 |
| 2019 | АХ-ын 98 жилийн ойн баяр наадамд аймгийн арслан А.Отгонбаатараар дөрөв, улсын начин Б.Амарзаяагаар тав давж шөвгөрөн чимэг нэмсэн. | 512 |
Аймгийн наадмын дэвжээнд
| Он | Амжилт | Бөхийн тоо |
|---|---|---|
| 2005 | Булган аймгийн баяр наадамд сумын заан Б.Бат-Эрдэнээр долоо даван түрүүлж ” Аймгийн арслан ” цол хүртсэн. | 128 |
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй