Засгийн газар ээлжит бусаар хуралдаж дараах шийдвэрийг гаргажээ. Тодруулбал, маргаашаас БНХАУ руу явах онгоц болон вагоны хөдөлгөөнийг хааж байна. Монгол улсаас энэ сарын 06-ны өдрийг хүртэл БНХАУ-д байсан иргэдээ хүлээн авсан. Энэ хугацаанд 6000 орчим хүн эх орондоо ирсэн байна.
Энэ талаар Засгийн газрын Хэвлэл мэдээлэл, олон нийттэй харилцах хэлтсийн дарга Ц.Ганзориг “Засгийн газрын хуралдаанаар цаг үеийн асуудлуудыг хэлэлцлээ. Маргаашаас буюу 02 сарын 14-өөс эхлэн Хятадаас ирэх, тийш явах галт тэрэг, нислэгүүдийг зогсоож байна. Тэнд байгаа иргэдээ эх орондоо ирэх маш их хугацаа өглөө. Хятадад байгаа үлдсэн иргэдээ чартер /тусгай захиалгат/ нислэг гаргаж өөрсдийн зардлаар нь авна. Ирээд энд хотоос зайтай газар тусгаарлана” гэв. Маргаашнаас БНХАУ-аас эх орондоо ирэхийг хүсэгчдийн асуудлыг Засгийн газар буюу ГХЯ зохион байгуулах юм байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
1 сэтгэгдэлтэй
Одоо хятадад үлдсэн хүмүүс ирэх гэж бөөн юм болох байх даа. Ямар ч байсан хилээ хаасан нь маш зөв. Баяр хүргэе