Зэвсэгт хүчний 326 дугаар ангид 2021 оны гуравдугаар сарын 28-ны өдрийн 22:40 цагт цэргийн дүрмийн бус харилцааны зөрчил гарч, тус ангийн салааны захирагч, дэслэгч Г согтуурсан үедээ харуулчин-байлдагч Б-гийн биед халдаж, хүнд гэмтэл учруулсан юм.
Хохирогчийн биеийн байдал хүнд, тархинд цус харвасан байдалтай ТТАХНЭ-ийн эрчимт эмчилгээний тасагт эмчлүүлж байсан боловч биеийн байдал нь сайжрахгүй байсаар нас баржээ.
Хэргийн тухайд Зэвсэгт хүчний Хуурай замын цэргийн штабын дарга, бригадын генерал Л.Онцгойбаяр шат шатанд нь хариуцлага тооцно гэдгээ мэдэгдсэн юм.
Энэ хэрэгтэй холбогдуулан Зэвсэгт хүчний жанжин штабын удирдлагууд өнөөдөр 15:00 цагт ЦДБЭЧ-ын Соёмбо танхимд хэвлэлийн бага хурал хийх юм байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй