“Зүрхний болон гол судасны төрөлх гажгийн мэс засал“-ын эмчилгээг ЭМДСангаас бүрэн хариуцахаар болсон талаар тус газрын дарга Л.Бямбажаргал цахим хуудсаараа дамжуулан мэдээллээ.
Тэрээр “Зүрх мартахгүй төслийн хүрээнд олон хүүхдэд амьдрал хайрласанд талархал илэрхийлье. 2021-01-22-ны өдрийн ЭМДҮЗ-ийн хурлаар “Төлбөрийн хэмжээ, жагсаалт, өртгийн жин, журам шинэчлэн батлах тухай” тогтоолын төсөл танилцуулагдаж, дэмжигдэн, батлагдаж ХЗДХЯ-нд бүртгүүлэхээр хүргүүлсэн.
Энэ тогтоолд “Зүрхний болон гол судасны төрөлх гажгийн мэс засал“-ын эмчилгээг ЭМД-ын сангаас 100% хариуцахаар болсон” хэмээжээ.
Зүрхний болон гол судасны төрөлхийн гажгийн мэс заслыг техник, технологи, хүний нөөц, чадамжаар хангагдсан улсын болон хувийн эмнэлгүүдэд хийж төлбөрийг ЭМДСангаас 100 хувь хариуцахаар боллоо.
Урьдчилсан тооцооллоор энэ онд дахиад зүрхний төрөлхийн гажигтай 100 хүүхдэд мэс заслын эмчилгээ хийхэд 800 сая төгрөг шаардлагатай юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй