Сонгуулийн ерөнхий хороо баасан гарагт хуралдаж, УИХ-ын 2020 оны ээлжит сонгуулийн үйл ажиллагааг зохион байгуулах цаг хугацааны хуваарь, сонгуулийн бэлтгэл ажлын төлөвлөгөөг хэлэлцэн баталжээ.
Тодруулбал, УИХ-ын сонгуулийн тухай хуульд тусгасан цаг хугацаатай ажлуудыг түүвэрлэн нийт 7 бүлэгт хуваан багцалж, хуульд тусгасан хугацааг хуанлийн өдөрт шилжүүлсэн байна.
Мөн хурлаар нийслэлийн Архивын газраас ирүүлсэн хүсэлтийг хэлэлцэн шийдвэрлэжээ. Нийслэлийн болон дүүргийн ИТХ-ын 2016 оны ээлжит сонгуулийн саналын хуудас нийслэлийн архивт хадгалагдаж байгаа. СЕХ-ны 2016 оны 17 дугаар тогтоолоор батлагдсан “Саналын хуудсыг хэвлүүлэх, хадгалах, хүргүүлэх, хамгаалах журам”-д заасан архивт хадгалах хугацаа нь дууссан тул уг саналын хуудсыг холбогдох журмын дагуу устгахыг нийслэлийн Архивын газарт зөвшөөрсөн шийдвэрийг баталжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй