Өчигдөр буюу энэ сарын 26-ны өдөр Ховд аймаг руу зорчиж байсан иргэдээс тус аймгийн Дарви сумын хяналтын пост дээр түргэвчилсэн оношлуураар шинжилгээ авахад 3 хүний /эгч дүүс/ хариу эерэг гарсан билээ.
Хэдий тус аймаг БОЭТ-тэй ч зорчигчдын дунд хавдартай гэх мэт эрүүл мэндийн асуудалтай хүн цөөнгүй байсан мөн одоогийн байдлаар халдвар бүртгэгдээгүй “Ногоон бүс”-д халдвар тархах эрсдэлээс урьдчилан сэргийлэн тухайн автобусны 41 зорчигчийг Улаанбаатар хот руу тусгай үүргийн онгоцоор авах шийдвэр гарсан.
Тэгвэл Ховд-Улаанбаатар чиглэлийн “Хүннү Эйр” компанийн онгоц 2020 оны 01 дүгээр сарын 27-ны өдөр 13:46 минутад Буянт-Ухаа Олон Улсын нисэх буудалд газардлаа. Буянт-Ухаа боомт дахь Хилийн мэргэжлийн хяналтын албаны улсын байцаагчид зорчигчдын биеийн халууныг хэмжиж, эрүүл мэндийн тандалт хийн ажилласан байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй