Наркологийн төв эмнэлэгт хэвтэн эмчлүүлж байсан хүнээс коронавирус илэрчээ. ЭМЯ-ы ээлжит мэдээллийн үеэр ХӨСҮТ-ийн Тандалт, судалгааны албаны дарга А.Амбасэлмаа “Наркологийн төвд эмчлэгдэж байсан нэг хүн өчигдөр эмнэлгээс гараад хөдөө явах гэж шинжилгээ хийлгэхэд коронавирус илэрсэн.
Тухайн иргэн Наркологийн төв эмнэлэгт хэвтэхдээ PCR шинжилгээ хийлгэсэн хэдий ч эмнэлгээс гараад коронавирусийн шинжилгээ өгөхөд халдвар илэрсэн байна.
Үүнтэй холбоотойгоор тус төвд тандалт, шинжилгээний ажлыг зохион байгуулсан.
Одоогийн байдлаар ойрын хавьтал болсон 17 хүн, түүний гэр бүл болон эмч ажилчид, энэ сарын 22-оос хойш тус эмнэлгээс гарсан хүмүүс гээд нийт 70 хүнээс шинжилгээ аваад байна.
Наркологийн төвд түр хугацаагаар хөл хорио тогтоож, тандалт судалгаа явуулж байгаа” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй