НМХГ-аас Чингэлтэй болон Сонгинохайрхан дүүрэгт байрлах 21 зах, худалдааны төвийн QR код ашиглалтын байдалд хяналт шалгалт хийжээ. Шалгалтаар Сонгинохайрхан дүүрэгт байрлах 8 газраар 1654 иргэн QR код уншуулан, 1360 иргэн бүртгүүлж, нийт 3024 иргэн үйлчлүүлсэн бол Чингэлтэй дүүргийн 13 зах, худалдааны төвөөр 4181 иргэн QR-аар, 2883 иргэн бүртгүүлж, нийт 7064 иргэн үйлчлүүлсэн байна.
Өөрөөр хэлбэл 21 зах худалдааны төвөөр нийт 10088 иргэн үйлчлүүлсний 5835 нь QR кодыг ашигласан гэсэн үг.
Хяналт шалгалтын явцад зах худалдааны төвүүдийн орох, гарах гарцанд тэмдэглэгээ хийх, 0.06%-ийн жавелины уусмалаар хатуу гадаргууд 2 цаг тутамд чийгтэй цэвэрлэгээ ариутгал халдваргүйтгэл хийх, хүн хооронд 1.5-2 метрийн зай барих тэмдэглэгээ нааж, бүртгэл хөтлөх, үйлчлүүлж буй иргэдийг QR кодыг уншуулж халууныг хэмжин бүртгэл хөтөлж байх талаар мэргэжил арга зүйн зөвлөгөө өгчээ.
Нийт 142 зөрчил илрүүлэн, хяналт шалгалтын явцад 75 зөрчлийг газар дээр арилгуулжээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй