МАН-ын Удирдах зөвлөл хуралдаж, У.Хүрэлсүхийн танхимыг бүрэн бүрэлдэхүүнээр нь огцруулах асуудлыг хэлэлцэн дэмжээд буй.
Харин Ерөнхий сайд У.Хүрэлсүх“Би нөхдөө явуулчаад сугарч үлдэхгүй. Хариуцлагыг хамт хүлээнэ. Гэхдээ намын даргын хувьд би ихэнх сайдаа улираан санал болгоно” гэсэн билээ.
Тэгвэл Хотын дарга асан Э.Бат-Үүл Засгийн газар огцрох асуудлаар байр сууриа илэрхийллээ.
Тэрээр өөрийн твиттер хуудаснаа “Ерөнхий сайд У.Хүрэлсүх өөрөө огцрох хүсэлтээ өгч байгаа бол эдийн засаг маш хүнд байдалд орсны дохио гэсэн үг! Тэгвэл хариуцлагыг хэн үүрэх вэ!” гэжээ.
Сануулахад, үүсээд буй нөхцөл байдалтай холбоотойгоор Шадар сайд, Эрүүл мэндийн сайд нар албан тушаалаас чөлөөлөгдөх өргөдлөө өгсөн байгаа.
Яг одоо Төрийн ордонд МАН-ын бүлэг дээрх асуудлаар хуралдаж байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй