Өвчин гэдэг хүнийг баян ядуу, хөгшин залуугаар нь ялгадаггүй. Хэн ч өвдөж болно. Гэтэл өчигдөр COVID-19-ийн халдвар авсан иргэний хүүхдүүдийг СӨХ болон байрны оршин суугчид гэрт нь оруулаагүй явдал гарлаа. Өдгөө хүүхдүүдийг түр хамгаалах байранд аваад байна.
Монгол хүний ёс жудаг ингэтлээ дорд орсон хэрэг үү. Уг нь зовох цагт нөхрийн чанар танигдана гэдэгсэн.
Хөл хорионы улмаас Улаанбаатар хотод гацсан иргэд байгаа айлаасаа хөөгдөж байна гэсэн мэдээлэл ч чамгүй явсан. Монголчууд зүс танихгүй атлаа нүүдэл хийж яваа айлыг цай идээгээ барин тосон очдог, аяншсан нэг нь ороод гараг гээд хаалгаа түгжилгүй орхидог байсан ард түмэн биш бил үү.
Цаг үеийн байдлаа дагаад нийгэм, хүмүүсийн сэтгэхүй өөрчлөгдөж болох ч Монгол хүний ёс жудаг ингэтлээ дорд орох гэж байх уу?
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй