Увс аймгийн Онцгой комиссын шийдвэрээр тус аймгийн хэмжээнд 2020 оны 11-р сарын 14-ийг хүртэл сургууль цэцэрлэг, коллеж, их дээд сургуулийн үйл ажиллагааг зогсоолоо.
Түүнчлэн олон нийтийг хамарсан бүх төрлийн үйл ажиллагаа, сургалт семинар, хурал зөвлөгөөн болон барааны зах, бар, караоке, PC тоглоомын газруудыг түр хугацаанд хаах шийдвэрийг гаргасан байна.
Мөн шаардлагагүй бол олон нийтийн газраар явахгүй байхыг анхаарууллаа.
Коронавирусийн халдвар илэрсэн олон улсын ачаа тээврийн жолооч эхнэрийн хамт энэ сарын 08-нд UB паласт дуучин Д.Дэмбэрэлнямбуугийн “Хархан нүдэн” тоглолтыг үзсэн юм. Дуучин Д.Дэмбэрэлнямбуу нь Увс аймгийн Тэс сумынх бөгөөд нутаг нэгтнүүд нь мөн адил нийслэл хотод ирж тоглолт үзсэн гэх мэдээлэл байна.
Эх сурвалж: Увс аймгийн Онцгой комисс
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй