Сүүлийн гурван хоногт 2363 хүний сорьцод шинжилгээ хийхэд 9 хүний сорьцоос коронавирус илэрчээ.
Монголчуудын коронавирустэй хийж буй тэмцлийн талаарх өгүүлсэн баримтат кино өнөөдөр цацагдах тухай ХӨСҮТ-ийн захирал Д.Нямхүү мэдээллээ.
Тэрбээр “ДЭМБ-аас Монгол Улсын коронавирустэй хийж байгаа тэмцэл, авч хэрэгжүүлж буй хариу арга хэмжээ, туршлагын талаар баримтат кино хийсэн байна. Энэ киног 15:00 цагаас дэлхий нийтэд цацах юм байна. Эрүүл мэндийн яамны пэйж хуудсаар зэрэг цацагдана.
Дэлхий нийтээрээ биднийг харж байна.
Бид энэ амжилтаа алдахгүйн тулд хүн бүр дор бүрнээ хичээж ажиллах түүхэн үе бидний өмнө ирээд байна. Хүн бүр маскаа зүүх, гарын ариун цэврээ сахих, олноороо цугларахгүй байх зөвлөмжүүдийг дагаж мөрдөх нь туулийн чухал байна.
Дотроо алдсан мэтээр хуурамч мэдээлэл явж байгаад харамсаж байна. Баян-Өлгийн боомтоор орж ирэх гэж байсан ачаа, тээврийн хоёр орос жолоочийн шинжилгээний хариу эерэг гарсныг тэр даруйд нь ярилцаж нутагт нь буцаасан. Тэр хоёр орос монголын гүн рүү орж ирээгүй. Бүх боомтоод дээр хяналтуудыг чангатгах чиглэлээр шинэ арга хэмжээг зохион байгуулж ажиллаж байна” хэмээн ярилаа.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй