ХӨСҮТ-өөс ойрын өдрүүдэд хийгдсэн коронавирус илрүүлэх шинжилгээний хариуг танилцууллаа. ХӨСҮТ-ийн ерөнхий захирал Д.Нямхүү “2020 оны аравдугаар сарын 30-аас арваннэгдүгээр сарын 1-нд буюу сүүлийн гурав хоногт ХӨСҮТ-ийн хоёр лаборатори, ЗӨСҮТ-ийн явуулын лаборатори, Сэлэнгэ болон Дорнод аймаг дахь салбар лабораторид нийт 2,263 сорьцод шинжилгээ хийлээ.
Ингэхэд есөн хүний сорьцод коронавирусийн халдвар илэрсэн” гэлээ. Одоогоор Монгол Улсад COVID-19-ийн батлагдсан тохиолдол 349 байгаагаас 313 нь эдгэрчээ.
-Аравдугаар сарын 28-нд Токио-Улаанбаатар чиглэлийн онгоцоор ирсэн нэг хүн, 27 настай эмэгтэй, Монгол Улсын иргэн
-Аравдугаар сарын 22-нд Алтанбулаг боомтоор орж ирсэн гурван хүнээс халдвар илэрсэн. Эдгээр нь 21, 58, 64 настай эрэгтэй хүмүүс бөгөөд нэг нь ОХУ-ын иргэн
-Алтанбулаг боомтоор орж ирсэн ачаа тээврийн таван жолоочийн шинжилгээнээс коронавирусийн халдвар илэрсэн тухай ХӨСҮТ-өөс мэдээлэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй