Маргааш буюу 10 дугаар сарын 01-ний өдрөөс томуугийн халдвараас сэргийлэх дархлаажуулалтын аян орон даяар эхэлнэ. Аравдугаар сарын 10-ны өдөр хүртэл үргэлжлэх тус аянд хэрхэн хамрагдах болон анхаарах асуудлын талаарх мэдээллийг хүргэе.
Томуугийн эсрэг вакциныг хэн, хаана хийлгэх вэ?
Улаанбаатар хотод:
– 2-9 насны цэцэрлэг, сургуулийн хүүхэд тухайн цэцэрлэг, сургуулийн дархлаажуулалтын түр цэгт
– 6 сартайгаас 9 насны цэцэрлэг, сургуульд хамрагдаагүй хүүхэд, 4-өөс дээш сартай жирэмсэн эмэгтэйчүүд, 65 ба түүнээс дээш насны болон архаг өвчтэй хүн харьяа эрүүл мэндийн төвийн дархлаажуулалтын кабинетад
Аймгийн төвд:
– 2-5 насны цэцэрлэгийн хүүхэд тухайн цэцэрлэгийн дархлаажуулалтын түр цэгт
– 2-5 насны цэцэрлэгт хамрагдаагүй хүүхэд, 4-өөс дээш сартай жирэмсэн эмэгтэйчүүд, 65 ба түүнээс дээш насны болон архаг өвчтэй хүн харьяа эрүүл мэндийн төвийн дархлаажуулалтын кабинетад
Вакциныг хийхээс өмнө эцэг эх, асран хамгаалагч нарт урьдчилан мэдээлэл өгч, зөвшөөрөл авсны дараа хүүхдэд хийнэ.
Вакцин хийлгэхийн өмнө юу анхаарах вэ?
– Эмчийн үзлэгт орох
– Сайтар унтаж амрах
– Дулаан хувцаслах
– Сүүлийн 1 сарын хугацаанд ямар нэгэн вакцин хийлгээгүй байх
Вакцин хийлгэсний дараа юу анхаарах вэ?
– Вакцин тарьсан хэсгийг хөндөхгүй, хүрэхгүй байх
– Дулаан хувцаслах, хоёр хоног ус хүргэхгүй байх
– Боолт хийх, эм, тос түрхэх, хөхний сүү, гялгар уут, бусад зүйлээр жин тавихгүй байх
Вакцины эсрэг заалт:
– Вакцинд хэт мэдрэг хүн
– Өндөг, тахианы гаралтай бүтээгдэхүүнүүд харшилтай хүн
– Сүүлийн 6 сарын дотор таталт, саажилтын хам шинж өгч байсан хүн
– Мэдрэлийн үрэвслийн хам шинжийн үед
– Дархлал дутмагшилтай хүн
– Гормон эмчилгээ болон дархлаа дарангуйлах, дархлаа сэргээх эмчилгээ хийлгэж байгаа хүн
– Хавдарын эмчилгээний цитостатик эм хэрэглэж байгаа хүн
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй