Ган-Эрдэнэ, Дэлгэрмөрөн нар 10 сая төгрөгийн бооцоо тавьжээ

2020-08-24 1306 0

Хөвгүүдийн топ хамтлагийн нэг хоёрт бичигддэг хамтлагийн дуучид болох Т.Дэлгэрмөрөн, Л.Ган-Эрдэнэ хоёр бооцоо тавьж турахаар шийджээ. “Камертон”, “Номин­талст” хамтлагаар овоглож явдаг тэд өсвөр наснаасаа л махлаг хөвгүүд байсан. Харин 40 нас хүрсэн хойноо ийн бооцоо тавьж турахаар болжээ.

Энэ санаачлагыг Л.Ган-Эрдэнэ эхлэн гаргаж “Номинталст”-ын Дэлгэрмөрөнг “Камертон”-ы Ган-Эрдэнэ би тулаанд дуудаж байна” гэж, олон нийтийн сүлжээнд бичсэн. Харин Дээгий түүнд бооцоо санал болгоход Ганаа “Энэ яасан овоо эр вэ. Зүгээр сайхан өрсөлдөөд эрүүл мэнд, гоо сайхандаа анхааръя гэж байхад өөдөөс бооцоо яриад байдаг. За тэгвэл нэг сая төгрөгөөр бооцоо тавья, Номин талстын тарган Дэлгэрмөрөн” гэсэн хариу өгчээ.

Харин Т.Дэлгэрмөрөн “Том загасанд дэгээ хаяхад өгөөш маш чухал гэж ямар юм нь надад хэлчихлээ дээ, шал баларсан юм. Ингээд 25 жилийн турш бодож явсан хүсэл минь биеллээ олох нь тодорхой болдог юм байжээ. Манай Ган-Эрдэнэ шартай эр юм. Би бодохдоо бооцоонд өгөөш болгосон зоосонд хулчийхгүй харин дургүй нь хүрээд намайг орхих болов уу гэж төлөвлөж байсан ч бүх зүйл эсрэгээрээ болчихлоо. Хайран сайхан дээлнүүд минь нүдэнд харагдаж байна…” хэмээн хариу барьжээ.

Эцэст нь тэдний бооцооны ханш огцом өсөв. Тэд нэг сарын хугацаанд хэн нь илүү жин хаяж чадахаа үзэж, их жин хаяж чадсандаа 10 сая төгрөг өгөхөөр болжээ.

АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Улс тунхагласны түүхт 100 жилийн ойн барилдааны түрүү бөх 10 сая төгрөгийн бай гардана

Анхдугаар үндсэн хуулиа баталж Бүгд Найрамдах Улс тунхагласны түүхт 100 жилийн ой энэ онд тохиож бай

2024-11-22

“Талын түмэн адуу” фестиваль энэ сарын 21-нд болно

Хэнтий аймагт өвлийн аялал жуулчлалыг хөгжүүлж, жуулчдын урсгалыг нэмэгдүүлэх зорилгоор “Талын түмэн

2024-11-13

Дархан аварга А.Сүхбатыг нэг сая төгрөгөөр торгожээ

УИХ-ын гишүүн асан, Дархан аварга А.Сүхбат хоёр машин, арав гаруй хүний хамтаар Увс аймгийн Өндөрхан

2024-11-07