Хотын дарга асан Э.Бат-Үүл “Ерөнхийлөгчийн шинэ томилгооны учир тодорч байна” хэмээх нийтлэлийг baabar.mn сайтад нийтлүүлснийхээ төлөө Ерөнхийлөгч Х.Баттулгыг гүтгэсэн хэргээр цагдаагийн байгууллагад дуудагдаж Зөрчлийн хуулийн дагуу хоёр сая төгрөгийн торгууль төлөхөөр болжээ. Ерөнхийлөгчийн тамгын газраас түүний нэр дээр цагдаад гомдол гаргасан юм байна.
Гэвч хотын дарга асан цагдаагийн шийтгэх хуудсыг хуулийн үндэслэлгүй хэмээн үзэж Сүхбаатар дүүргийн Эрүүгийн хэргийн анхан шатны шүүхэд хандсан гомдол гаргажээ. Шүүх хурал өнөөдөр зарлагдсан боловч шүүх хуралдааныг даргалагч шүүгч эрүүл мэндийн шалтгаанаар ирээгүй учир шүүх хуралдааныг тодорхойгүй хугацаагаар хойшлуулсан гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй