МЭДЭХЭД ИЛҮҮДЭХГҮЙ…
Эзэгтэй та хонины гэдсээ хэрхэн чанадаг вэ. Бүгдийг нь нэг зэрэг тогоондоо үйдэг үү эсвэл цул болон сав эрхтнээр нь ялгаж чанадаг уу?
Ихэнх бүсгүйчүүд хамгийн сүүлд элэг, цусаа хийдэг, өөрөөр хэлбэл бөөнд нь чанадаг гэж хариулдаг.
Гэхдээ гэдэс чанахад ихээхэн учир байдаг аж. Хэрвээ та ядаргаагаа тайлах, тамир нэмэх зорилгоор шөл уух гэж байгаа бол зөвхөн таван цул эрхтнээ л чанаж шөлийг нь уух хэрэгтэй. 5 цулын шөл ядаргаанд сайн, халуун чанартай.
Харин 6 сав эрхтний шөл хий дардаг, эмнэх чадвар сайтай аж. Өөрөөр хэлбэл ямар зорилгоор шөл ууж буйгаас хэрхэн чанах нь хамаарах нь байна. 5 цулын шөл шингэн, тос багатай, амт сайтай байдаг бол сав эрхтний шөл тослог ихтэй, хурцдуу, илүү гоё амттай болдог. Элэг, бөөр, зүрх уушиг, дэлүүг тусад нь чанаж шөлийг нь хүртээд, үргэлжлүүлэн бусад сав эрхтэнээ нэмээд чанаж ч болох юм.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй