Өчигдөр буюу 05-р сарын 19-ний өдөр Москва хотын ойролцоо сургуулийн нислэг үйлдэж байсан ОХУ-ын армийн Ми-8 нисдэг тэрэг осолджээ. Нисдэг тэрэг Москвагийн ойролцоох Клин хотоос 20 км зайд оройн 08:00 цагийн үед осолдсон аж. Харамсалтай нь нисэх багийн гишүүд бүгд амиа алджээ.
Тус улсын батлан хамгаалах яам хэдэн хүн амь үрэгдсэн талаар мэдээлэл өгөхөөс татгалзаж байгаа ч Оросын хэвлэлүүд гурван алба хаагч амь үрэгдсэн хэмээн мэдээлж байна.
Ослын шалтгааныг мөрдөн шалгах мэргэжилтнүүдийг илгээснээ ОХУ-ын батлан хамгаалах яам мэдээлсэн байна. Урьдчилсан байдлаар техникийн доголдол ослын шалтгаан болсон гэж үзэж байгаа бололтой. Зөвлөлтийн үед зохион бүтээгдсэн хос хөдөлгүүртэй Ми-8 нисдэг тэргийг Оросын зэвсэгт хүчин болон иргэний агаарын тээвэрт өргөн ашигладаг.
Ми-8-ийн анхны нислэгийг 1961 оны 07 сарын 09 нд хийсэн гэж үздэг ба 1965 оноос ашиглаж эхэлжээ.
Эх сурвалж: AFP
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй