ЭМЯ-аас коронавируст халдварын нөхцөл байдлын талаарх ээлжит мэдээллээ хийлээ. ХӨСҮТ-ийн ерөнхий захирал Д.Нямхүү “Өдрийн мэнд хүргэе. Тавдугаар сарын 18-нд ХӨСҮТ-ийн хоёр, Зооноз өвчин судлалын лаборатори, Дархан-Уул аймаг дахь салбар лабораторид нийт 367 хүнд давтан шинжилгээ хийсэн, бүгдийх нь хариу сөрөг гарсан байна. Үүнд, ХӨСҮТ-д тусгаарлагдан хянагдаж байсан 8, ажиглах байранд хяналтад байгаа 315, тандалтын зорилгоор 17 хүнд шинжилгээ хийсэн.
Мөн Алтанбулагийн боомтоор орж ирсэн ачаа тээврийн 27 жолоочид шинжилгээ хийхэд коронавирус илрээгүй. Өнөөдөр, эдгэсэн хоёр хүн ХӨСҮТ-ээс гарч, дараагийн шатны хяналт руу шилжиж байна.
Ингээд нийт батлагдсан тохиолдол 140, эдгэрсэн тоо 26 боллоо. Эмчилгээ нийлгэж байгаа 114 хүн байна. Өнөөдөр өглөө БНЭУ-аас ирсэн иргэдээс шинжилгээ авах ажлыг бид яаралтай зохион байгуулан ажиллаж байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй