ЭМЯ-аас шинэ төрлийн коронавируст халдварын нөхцөл байдлын талаарх ээлжит мэдээллээ хийх үеэр ХӨСҮТ-ийн Тандалт, судалгааны албаны дарга А.Амбасэлмаа “Өмнөговь аймагт бүртгэгдсэн сэжигтэй тохиолдол Шивээ хүрэн боомтод тусгаарлагдсан байгаа. Шинжилгээ нь өчигдөр наашаа гарч, өглөө үүрээр ирсэн. ХӨСҮТ-ийн лабораторид шинжилгээ хийгдэж байна.
Эмчлүүлж байгаа 28 хүний биеийн байдал тогтвортой, дунд байна. Хоёр хүн нь хүнд байгаа” гэв.
Улсын онцгой комиссын шийдвэрээр тавдугаар сарын 4-ний өдөр ОХУ-ын Тува улсын Кызыл хотын Кадетийн сургуулийн есөн сурагчийг Боршоо боомтоор татан авсан тухайд “Сурагчдыг хамгаалалттайгаар Улаанбаатар хотод авчирч, шинэ коронавирусийн халдвар илрүүлэх шинжилгээнд хамруулсан. Есөн сурагчийн шинжилгээний хариу сөрөг буюу коронавирусийн халдвар илрээгүй” гэж ярив.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй