Монгол Улсын Засгийн газар, УОК, УОК-ийн Шуурхай штабаас гаргасан шийдвэр, үүрэг чиглэлийг бүх шатны байгууллагад богино хугацаанд дамжуулах, коронавируст халдвараар өвчилсөн болон сэжигтэй, тусгаарлалтад байгаа, гадаад улсаас эх орондоо ирэх хүсэлтэй иргэдийн мэдээллийн нэгдсэн сан бий болгох зорилгоор коронавируст халдварын бүртгэл, удирдлагын системийг нэвтрүүллээ.
Тус системийг “Интерактив” ХХК-ийн хамт олон нийгмийн хариуцлагын хүрээнд үнэ төлбөргүй хийж гүйцэтгэсэн ба системд бүх шатны Онцгой комиссын штаб холбогдож, сургалт дадлагыг цахимаар тогтмол зохион байгуулах боломжтой боллоо.
Мөн гэрээр ажиглалтад байгаа иргэдэд зөвлөгөө өгөх, эрүүл мэнд, биеийн байдлыг хянах зорилгоор гар утасны аппликэйшнийг боловсруулан нэвтрүүлэхээр ажиллаж байна гэж Улсын онцгой комиссын шуурхай штабаас мэдээллээ.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй