Цар тахлын эсрэг тэргүүн эгнээнд ажиллаж буй мэргэжилтэн, алба хаагчдаа дэмжихээр иргэд, ААН-үүд хандивын аян өрнүүлээд багагүй хугацааг үдэж байна. Монголд үйл ажиллагаа явуулдаг олон улсын байгууллагууд ч хандивын аянд идэвхтэй оролцож байгаа билээ.
Францын “Орона Майнинг” компанийн зүгээс тус улсын иргэнд эрүүл мэндийн эмчилгээ үйлчилгээг дээд зэргээр үзүүлж байгаад талархал илэрхийлэн, өнгөрөгч сарын 19-нд УОК-т нэг тэрбум төгрөг хандивлаж байсан юм.
Мөн Эрдэнэт үйлдвэрийн уурхайчид нэг өдрийн цалингаа цуглуулсан 150 сая төгрөгийг УОК-т хандивласан.
Тэгвэл УОК-т нийтдээ 3.7 тэрбум төгрөгийн хандив цуглаад буйг Шадар сайд, Улсын онцгой комиссын дарга Ө.Энхтүвшин хэлэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй