ДМАЭМБ-ын /OIE/ бүртгэл, мэдээллийн санд/ АНУ-ын Нью Йорк хотын /Bronx County, Bronx, New York/ амьтны хүрээлэнд 4-р сарын 3-нд таван бар, гурван арсланд хуурай ханиалгах, халуурах зэрэг эмнэлзүйн шинж тэмдэг илэрсэн байна.
Арслан, баруудыг тусгаарлаж, дээж аван шинжлэхэд барнаас SARS-CoV-2/ “COVID-19” илэрчээ. Гурван арслангийн нэгийнх нь хариу 2020 оны 4-р сарын 15-ны өдөр мөн эерэг гарч батлагджээ. Эмнэлзүйн шинж тэмдэг илэрсэн бүх амьтдын бие аажмаар сайжирч байна. Одоогийн байдлаар тус амьтны хүрээлэнгээс өөр сэжигтэй тохиолдол гараагүй байна.
Мөн 2020 оны 4-р сарын 22-ны өдөр тус хотын 2 өрхийн хоёр мууранд найтаах зэргээр эмнэлзүйн шинж тэмдгүүд илэрсэн ба дээж аван шинжлэхэд амьсгалын замын эмгэг төрүүлэгчдийн шинжилгээ нь сөрөг гарсан ч “COVID-19”-ийн хариу эерэг гарч батлагдсан байна. Мууранд эмчилгээ хийгдсэний дараа дахин шинжилгээ хийхэд коронавирус илрээгүй байна.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй