ЭМЯ-аас шинэ төрлийн коронавируст халдварын нөхцөл байдлын талаарх ээлжит мэдээллээ хийлээ. ХӨСҮТ-ийн ерөнхий захирал Д.Нямхүү “ХӨСҮТ-ийн хоёр болон Дархан-Уул аймгийн нэг лабораторид нийт 209 шинжилгээ хийхэд коронавирус илрээгүй. Дорноговь аймагт бүртгэгдсэн сэжигтэй нэг тохиолдлын хариу сөрөг гарсан. Мөн тандалтын зорилгоор 9 сорьцод шинжилгээ хийсэн, коронавирус илрээгүй. Уг сорьцуудыг Налайх, Баянгол дүүрэг, Дорноговь аймгийн нэгдсэн эмнэлгээс авсан.
Дархан-Уул аймгийн лабораторид Алтанбулаг боомтоор орж ирсэн 32 хүнд шинжилгээ хийсэн, коронавирус илрээгүй.
Харин ХӨСҮТ-д тусгаарлагдсан ОХУ-аас ирсэн нэг оюутны гурав дахь давтан шинжилгээнээс коронавирус илэрлээ. Алтанбулагаар дамжин орж ирсэн 21 оюутанд коронавирус илэрлээ. Оюутнууд энгийн үедээ ч хоол унд бага байдаг. Тэдний дархлал маш суларсан байна. Хүүхдүүд эх орондоо, ар гэрийнхнийхээ хажууд ирсэн нь азтай юм.
Өчигдрийн байдлаар нэг хүн эдгэрч, ажиглалтын байр руу шилжсэн. Ингээд нийт батлагдсан 38 тохиолдол бүртгэгдэж, 9 хүн эдгэрч, 29 хүн ХӨСҮТ-д эмчлэгдэж байна.
Франц иргэний биеийн байдал хөнгөн, зовиургүй, шинж тэмдгүүд арилсан сайн байгаа. Таван сорьц авахад цэрнээс нь вирус илэрч байгаа. Удахгүй эдгэрч, эмнэлгээс гарна гэж найдаж байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй