Монгол улсад коронавирусийн 37 дахь тохиолдол бүртгэгдэв. ЭМЯ-аас тогтмол хийж буй ээлжит мэдээллийн үеэр ХӨСҮТ-ийн ерөнхий захирал Д.Нямхүү “Дөрөвдүгээр сарын 24-нд Дорноговь аймагт коронавируст халдварын нэг сэжигтэй тохиолдол бүртгэгдэж, тандалт судалгаа хийгдэж байна. Өчигдөр нийт 58 хүнд шинжилгээ хийсэн. Тандалтын зорилгоор 16 сорьц цуглуулж шинжилгээ хийхэд коронавирус илрээгүй.
Дархан-Уул аймагт Алтанбулаг боомтоор орж ирсэн 28 жолоочид шинжилгээ хийсэн коронавирус илрээгүй.
ХӨСҮТ-д тусгаарлагдаж байгаа 14 хүний давтан шинжилгээнээс 13 нь сөрөг, харин нэг иргэнээс коронавирус илэрч, Монгол улсад 37 дахь тохиолдол бүртгэгдлээ.
Энэ нь ОХУ-ын Москва хотод сурдаг оюутан. Нийт 8 иргэн эдгэрэн эмнэлгээс гарч, ХӨСҮТ-д 29 хүн эмчлэгдэж байна. Бид тусгай үүргийн онгоц хүлээж авахаар бэлтгэл, судалгаа, зохион байгуулалтаа нарийн хийж байна. Өнөөдрийн байдлаар ХӨСҮТ-д 156 хүн байгаа ба тандалт судалгаа, шинжилгээ үргэлжлэн хийгдэж байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй