Энэ сарын 22-27-нд Гурвалжингийн гүүрийг засварлахаар болсон тухай нийслэлийн Авто замын хөгжлийн газраас мэдээлэв.
Уг гүүр нь 1989 онд ашиглалтад орсон ба 108 метр урт, 28.5 метрийн өргөнтэй төмөр бетон хийцтэй. 2007 онд ээлжит засварыг хийж байжээ. Одоогийн байдлаар гүүрний хоёр хэсэгт хэв гажилт үүссэн, эвдрэл ихтэй байгаа аж.
Засварын ажилтай холбоотойгоор дөрөвдүгээр сарын 22-ны 22:00 цагаас 27-ны 06:00 цаг хүртэл хөдөлгөөнийг түр хугацаагаар өөрчлөн зохион байгуулах юм байна.
Ингэхдээ нэг урсгалд эсрэг хөдөлгөөнөөр зохион байгуулах тул иргэд хөдөлгөөн зохицуулагчийн тавьсан шаардлагыг биелүүлэхийг Тээврийн цагдаагийн албанаас хэллээ.
Мөн “Засварын хугацаанд тухайн орчимд хөдөлгөөний ачаалал нэмэгдэх тул иргэд, жолооч та бүхэн аль болох тухайн замаар зорчихгүй байх, шаардлагатай тохиолдолд нийтийн тээврийн хэрэгслээр үйлчлүүлэхийг хүсэж байна” гэв.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй