Италийн Монтесильвано хотод 14, 16, 18 насны ангиллын өсвөрийн шатарчдын дэлхийн аварга шалгаруулах тэмцээн болж байна. 83 орны шатарчид өрсөлдөж буй тус тэмцээнд манай улсаас найман шатарчин өрсөлдөж байгаа.
Тэмцээний 4 дэх өргийн дараах урдчилсан дүнгээр охидын 14 хүртэлх насанд Б.Буянхишиг 3 хожил, нэг тэнцээ хийж 3.5 оноогоор АНУ, БНХАУ, Азербайджаны шатарчдын араас 4-р байрт жагсаж эхэллээ. Энэ насанд тэргүүлж буй эхний хоёр шатарчин 4 хожилтой тэргүүлж байгаа бол гуравт бичигдэж буй Азербайджаны Лала 3.5 оноотой байна. 5-р өргийн тоглолтод Б.Буянхишиг Гүржийн шатарчин Кесариатай оноолт таарчээ.
Мөн 18 насанд Э.Хүслэн 3 хожилтойгоор 19-р байр, 14 насанд Б.Энхнамуун 2.5 оноотой 32-р байрт жагсаж байна. Хөвгүүдээс 16 насанд Г.Зэв 4 онооноос 2.5 оноо авсан бол 14 насанд М.Санчир 2 хожилтойгоор 62-р байрт эрэмбэлэгдэж байна.
Тэмцээний 5 дахь өргийн тоглолт өнөөдөр болно.
АНХААРУУЛГА: Уншигчдын бичсэн сэтгэгдэлд манай сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү.
0 cэтгэгдэлтэй